Mei beschte Freundin

Ok, ok. Ein typischer Musikersong.
Aber sei beschte Freindin isch halt sei Gidarr…

's war an Scheißdag.
I komm hoim.
's gibt net viel
was mi heut freut.
I schnapp mei Gidarr,
's isch nur oin Griff.
Ja mei Gidarr mei beschte Freundin isch.

Und i fang an zu spiela.
I hör nimme auf.
's Veschper vergessa,
des nehm i gern in Kauf.
Dr fehlende Schlof
i net vermiss.
Weil mei Gidarr mei beschte Freundin isch.

How, how, how, how.

Ja mei Familie,
die isch scho nett.
Wenn se me net hin und wieder
nerva däht.
Sie fordret an Anruf,
wollat an Bsuch.
Mei Gitarr will nix.
Di lässt mir mei Ruh.

Und meine Kollega
habet immer Probleme.
Sie sind wia Kinder
denet Eltern fehlet.
Und es scheint
i bin dr einzige der 's richta koa.
Mei Gidarr kennt keine Probleme.
Die mahnt nix oa.

How, how, how, how.

Jeder will was.
Jeder will an Date.
Koiner  verschteht,
wenn i sag das nix mehr geht.
Koiner verschteht,
wenn i sag, dass i nimme kann.
Mei Gitarr verschteht mi.
Wenn i sag, dass es nimme langt.

I brauch a Pause
von dem Stress.
I muass raus,
ja i muass weg.
Aber mei Gitarr
dia nehm i mit.
Weil mei Gitarr mei beschte Freundin isch.

How, how, how, how.

Veröffentlicht unter der Charity-Prayer-Lizenz (mehr…)