Ihr kotzt mi langsam a

Der Bluesonkel fragt sich schon,
ob er jetzt langsam auch polemisch wird.
Aber irgendwann nervt es halt.

Hey, hey,
i woiß, dass mi koiner fragt
Doch i muss oich saga
Ihr kotzt mi langsam a

Hey, hey,
's isch wie i sag
Au wenn 's euch net intressiert
Ihr kotzt mi langsam a

Ihr machet Meinung
mit Halbwahrheita und Sündaböck
Ihr klaget alles Fremde an
aber Lösunga habt 'r net

Die Schtammtischbrüder
freuat sich über eure Sprüch
Weil mr sich ja sonscht
damit ausanander setzta müsst

Hey, hey,
i woiß, dass mi koiner fragt….

Die Opfer von deutsche Verbrecher
Die werdad von euch verhöhnt
Weil nur wenn an Flüchtling Scheiße baut
dr Aufschrei laut ertönt

Und dann werdad eure Horda
ganz schnell mobilisiert
Und die Jagd auf alles Fremde
beginnt ganz ungeniert

Hey, hey,
i woiß, dass mi koiner fragt….

Ihr machet kaputt
was mit wichtig isch
Zusammahalt und Mitanander
bedeutet für euch nix.

Reschpekt und Menschlichkeit
gibt's anscheinend net für euch.
Es sei denn des gegaüber
isch zufällig deutsch.

Hey, hey,
i woiß, dass mi koiner fragt….

Und wer was dagega sagt
der wird bedroht
weniger verschteckt
eher offa bei Facebook und Co

Vielleicht isch 's nur a Frage dr Zeit
drum sag i 's euch glei
Au wenn ihr 's schaffet, dass i nix meh sag
Die Wahrheit die bleibt

Hey, hey,
i woiß, dass mi koiner fragt…

Veröffentlicht unter der Charity-Prayer-Lizenz (mehr…)